భార్యాభర్తలు

ఒకప్పుడు బండి చక్రాలు మన భార్యాభర్తలు ఇప్పుడు నాణేనికి రెండు వైపులా మన భార్యభర్తలు అర్థమైతే తప్పుకోండి రహదారినుంచి మీరు ప్రయాణానికిపుడు మరి వేర్వేరు బండ్లు విలువైతే ఉంది కానీ ఎదురుగా నిలువజాలరు ఉద్యొగంలో మరి షిఫ్ట్ సిస్టములు సర్దుకుపోతూ సాయంగా నడుస్తున్న సాహసపరులు సాయంకాలాలు మరిచిన మన ఆలు-మగలు కాదురా..లేదమ్మా అని పిలుపులు మార్చి పహేలిలా మారిన పాటుగాళ్ళు ఫోనుల్లోనే కాపురం చేసేస్తున్న మన మొగుడు-పెళ్ళాలు ఏదైనా కానీ,..వీళ్ళే వివాహసామ్రాజ్యానికి రాజు-రాణిలు మ్యారేజ్ అనే మూవీలోని … Continue reading భార్యాభర్తలు

సీతాకొకచిలుక

సీతాకొకచిలుక రెక్కలు రంగుల హరివిల్లులాయె తేరిపార తొంగిచూడ నూలు దొంతరల కోకలాయె పరాన్నజీవి దశను దాటి ధైర్యంగా నడచి వచ్చెనాయె విచిత్రమైన రూపాన్ని ఆకృతిగా మలచవచ్చని నేర్పెనాయె కలిమి -లేమి భేదభావం ఆలోచించదాయె మట్టిని ,మకరందాన్ని ఒకేలా ఆస్వాదించెనాయె కాళ్ళతో రుచి చూసి కళ్ళతో పలకరించెనాయె మీరిన కాలాన్ని తీరిగ్గా తీర్చుకుని ఎగురవచ్చెనాయె అందమైన పాఠం ఆనందంగా చెబుతున్నదాయె అర్థం చేసుకుంటే మన జీవితం ఇంధ్రధనస్సులాయె

గుర్తుంచుకో…

వేల అడుగులు వేయాలంటే మొదటి అడుగు పడాలని గుర్తుంచుకో ప్రతి నిమిషం అవకాశం నడచి వస్తుంది కష్టిస్తే అని గుర్తుంచుకో మెదడు గ్రుడ్డిదైతే కనులుండి ప్రయోజనం లేదని గుర్తుంచుకో నీ దుఃఖానికి కారణం పరిస్థితులు కాదు ,నీ ఆలోచనలని గుర్తుంచుకో మారటం కష్టమే మొదట్లో ఎవరికైనా అని గుర్తుంచుకో .. మారి చూడు మెచ్చుకుంటుంది ప్రపంచం నిన్ను అని గుర్తుంచుకో.

చందమామలా

అందరూ సూర్యునిలా వెలగాలంటే ఎలా ?చంద్రునిలా ఆలోచించండి ఒక్కసారి ఇలా !చిమ్మ చీకటిలో దారి చూపే నిసివెలుగు లా అమ్మచేతి బువ్వనందించే చలువ జాబిల్లి లా నెచ్చెలి మనసును దోచిన నెలవంక లా కలువ భామల కొలనులో కడలివెన్నలా.

కలం పట్టి …

కలం పట్టి కవిత రాస్తున్నా కావ్యకన్యకనై కోటివెలుగుల దీపకాంతిలో నేనూ చిరుదివ్వెనై కొత్త కొత్త ఊహలతో క్రొంగొత్త ఊసులు చెప్పగా ఊసులన్నీ ఏరి కోరి పదాలను పోగుసేయగా ఆ పదాలను పదిలంగా తీగలో పెనవేయగా మురిపెముగా మాల కట్టి ముడివేసి దండసేయగా మెచ్చుకోలుగా ఒక్కసారి నన్ను అక్కున చేర్చుకోవోయి పూటకో పూలదండ పేర్చి నీ ముందు ఉంచనీయవోయి